មូលហេតុនៃការធ្វើវិសោធនកម្មច្បាប់ ឬ រដ្ឋធម្មនុញ្ញ (The reasons of the laws or constitutional amendments )

ពេលវេលា៖ ពេលវេលាបានធ្វើឲ្យមានវិសោធនកម្ម ព្រោះច្បាប់ ឬរដ្ឋធម្មនុញ្ញចាស់មិនអាចបម្រើឲ្យនយោបាយថី្ម ឬក៏របបថ្មីបាន។

បច្ចេកទេស៖ បច្ចេកទេសចាស់តម្រូវឲ្យមានការផ្លាស់ប្តូរដោយសារការរកឃើញនូវបច្ចេកទេសថី្មដោយមានលក្ខណៈគ្រប់គ្រាន់ និងច្បាស់លាស់ក្នុងការរកឃើញការកាត់សេចក្តីទើបធ្វើឲ្យមានវិសោធនកម្ម។

សង្គម៖ សង្គមអាចធ្វើឲ្យមានការផ្លាស់ប្តូរ ឬការធ្វើវិសោធនកម្មជាដាច់ខាតទើបពេលដែលសង្គមថ្មីមានភាពរីកចម្រើន ហេតុដូច្នោះហើយរដ្ឋធម្មនុញ្ញសង្គមចាស់មិនអាចបម្រើសង្គមថ្មីគ្រប់ជ្រុងជ្រោយទ្បើយ។

វិទ្យាសាស្ត្រ៖ ការរីកចម្រើនផ្នែកវិទ្យាសាស្ត្រតម្រូវឲ្យមានការបង្កើត និងធ្វើវិសោធនកម្ម ពោលគឺត្រូវតែតាមឲ្យទាន់នូវការរីកចម្រើន។

ការបង្កើតស្ថាប័ន៖ ប្រទេសយើងជាប្រទេសកំពុងអភិវឌ្ឍន៍ ដូច្នេះហើយរាល់អ្វីៗគឺមិនទាន់មានសព្វគ្រប់នោះទេ អ្វីៗទំាងអស់នោះគឺឋិតក្នុងយន្តការនៃការអភិវឌ្ឍន៍ទៅមុខ ទំាងការអភិវឌ្ឍន៍ស្ថាប័ន គឺជៀសមិនផុតពីការធ្វើវិសោធនកម្មនៃច្បាប់នោះដែរ។

ការជាប់គំាងនយោបាយ៖ បើយើងមើលជាក់ស្តែងនៅក្នុងប្រទេសកម្ពុជានាឆ្នាំ ១៩៩៣ គឺថាប្រទេសយើងមានបញ្ហានយោបាយមួយកើតទ្បើងដែលពេលនោះប្រទេសកម្ពុជា មាននាយករដ្ឋមន្ត្រីផង និងសហនាយករដ្ឋមន្ត្រីផង ដែលបញ្ហានេះទាមទារឲ្យមាននូវការធ្វើវិសោធនកម្មរដ្ឋធម្មនុញ្ញ។

ការបង្កើនពន្ធដារ៖ នៅពេលដែលប្រទេសណាមួយចង់បង្កើនពន្ធដារទៅលើប្រជាពលរដ្ឋ គឺដាច់ខាតត្រូវតែមានការធ្វើវិសោធនកម្មទៅលើមាត្រាមួយចំនួន ហើយបញ្ហានេះគឺអាស្រ័យទៅលើការអនុវត្តន៍ជាក់ស្តែងរបស់សង្គម។

គោលនយោបាយជាតិ៖ វិសោធនកម្មក៏អាចកើតមានផងដែរក្នុងករណីដែលគោលនយោបាយជាតិតម្រូវ ជាឧទាហរណ៍ទាក់ទងនឹងការកំណត់ប្រាក់ឈ្នួលអប្បបរមា។

មូលហេតុនយោបាយ៖ មូលហេតុនយោបាយក៏ជាកត្តានំាឲ្យមានការធ្វើវិសោធនកម្មផងដែរ ឧទាហរណ៍គណបក្សទើបនឹងទ្បើងកាន់អំណាចថ្មីថ្មោង ចង់ធ្វើវិសោធនកម្មរដ្ឋធម្មនុញ្ញ ឬច្បាប់ឲ្យស្របទៅនឹងគោលនយោបាយរបស់ខ្លួន។

តម្រូវការជាក់ស្តែង៖ ច្បាប់នោះនៅពុំទាន់មានស្ថានទម្ងន់ទោស និងស្ថានសម្រាលទោសឲ្យត្រឹមត្រូវ អធម្មនុញ្ញភាព ភាពមិនស៊ីសង្វាក់គ្នានៃច្បាប់ បញ្ហាពាក់ព័ន្ធនឹងសន្តិសុខសង្គម ស្ថានភាពសេដ្ឋកិច្ចរបស់ប្រទេសជាតិ ប្រើពាក្យពេចន៍មិនត្រឹមត្រូវ ឬមិនសូវច្បាស់លាស់ ឬមិនសមរម្យដែលអាចឲ្យមានការបកស្រាយផ្សេងគ្នា ពិបាកអនុវត្ត ឬមិនអាចអនុវត្តបាន ចែងមានភាពខ្វះចន្លោះ ឬមានន័យមិនគ្រប់គ្រាន់ ឬច្បាប់នោះអាចបង្កចលាចល ឬប៉ះពាល់សណ្តាប់ធ្នាប់សាធារណៈ ។ល។

ប្រភព៖ ទំព័រហ្វេសប៊ុកផេកឈ្មោះ Mr. That Chantha